《讀者請教》
有樣嘢係關於家中長老, 之前佢哋曾經book打第一針, 但係阿姨就苦勸佢哋好耐終於cancel咗, 之後父母周圍同人講話阿姨多事，唔出聲冇人當佢啞!以為自己係邊個? 阻住佢哋, 以為自己讀大學就好巴閉?
點知父母幾日前話佢哋已經打咗第一針 ,真係好突然,佢哋而家六十幾歲, 之後就打畀阿姨話:「 我哋而家打咗針啦 !其實我哋真係好想去旅行,呢兩年忍得好辛苦， 你唔去旅行係你嘅事，做咩要阻住我哋？咁多事？你係唔係唔抵得我哋可以去旅行？我哋大把錢可以環遊世界，你眼紅咩？使唔使咁樣立心不良 ？我哋可以周圍去旅行唔使驚 ，你你自己冇得去就葡萄， 再多多聲氣以後唔睬你哋😡」
點知阿姨個仔最後打電話嚟鬧到我狗血淋頭,又講粗口鬧我點解唔睇住屋企兩大長老, 雖然我係家中長女, 但係父母 從來做嘢係唔會同任何人交代,佢哋決定咗係冇人阻止到，而且之前的事我哋係全不知情 ，以前父母當日去旅行，只會留低紙仔 ， 絕不會事前通知 ，我哋 住唔同樓層但係唔同單位 ，未必日日見。
其實我哋都好唔開心，無啦啦畀表弟咁鬧法， 我哋幾姊妹喺屋企冇地位亦都冇出聲ge資格, 原本我同呢個表弟最friend,但搞到而家咁我都覺得好無辜, 點解要將個責任推落我度? 而家暫時都唔可以搵佢,希望佢下咗啖氣就冇事la 😢
其實都係想問返點樣緩和同表弟之間咁嘅問題， 因為之前大家關係好好，無啦啦而家搞成咁，唔知點收科。。。謝謝。
＃我的極品四大長老
Search